Российысе калык-влакын йылмыштын кечышт палемдалтыме годым МарГУ-н Калыкле тӱвыра да тӱ...
Российысе калык-влакын йылмыштын кечышт палемдалтыме годым МарГУ-н Калыкле тӱвыра да тӱвыра кокласе коммуникаций институт ончылно, «Марий тиште» стеле воктене митрополит Вениамин (Василий) Пуцек-Григоровичлан шарнымаш оҥам почыныт. Марий Эл Кугыжаныш Погын председатель Михаил Васютин ты оҥам лач Российысе калык-влакын икоян улмо идалыкыштыже почмым сайлан шотлен. – Университет ончылно верланыше ансамбль ынде ик тичмаш лийын. Кум курым утла ончыч, 1775 ийыште, марий калыкын икымше грамматикыже, «Сочинения, принадлежащие к грамматике черемисского языка», савыкталтын. У арт- объект-влак мемнам марий возыктышын вияҥме тӱҥ этапше-влак, 1867, 1870 и 1892 ийласе икымше букварь гыч тӱҥалын кызытсе алфавит марте , палдарат. Нине арт-объектым ончалын, ме иктым шарнышаш улына, шочмо йылмына – тиде мемнан вийна, икоян улмына да ончыкылыкна», – каласен Михаил Васютин. Юлтех пеленысе мученице Татиана храмын настоятельже, Сергий Радонежский лӱмеш гимназийын директоржо, протоиерей Евгений Сурков митрополит Вениамин Пуцек-Григорович нерген самырык-шамычлан шукырак палдараш тӱҥалмым куанен ойлен. 📸Михаил Скобелевын фотожо/ "Марий Эл" увер агентстве