Теҥгече Йошкар-Олаште «Гастрономический код Марийского края» книган презентацийже эртен.
Теҥгече Йошкар-Олаште «Гастрономический код Марийского края» книган презентацийже эртен. Таза да тӱрлӧ тутло кочкышым йӧратышылан, калык кухньым да тӱвырам аклышылан ты книга полшымо дене мондаш лийдыме кулинар путешествийыш миен толаш, ресторан критик Олег Назаровын у книгажым лудын, кундемнан гастрономический кодшым пален налаш йӧн лектын. 1000 экземпляр дене лекше изданийыште 41 рецептым чумырымо. Кулинар-влак коклаште лӱмлӧ шеф-повар, тӱвыра пашаеҥ, политике-влак: Константин Косачев, Илья Лазерсон, Лариса Яковлева, Михаил Швецов, Максим Сырников, Владимир Халюзин, Денис Шаблий да молат – улыт. 📚Презентаций МарГУ-н Калыкле тӱвыра да тӱвыра кокласе коммуникаций институтыштыжо Российысе калык-влакын йылмыштын кечыштлан пӧлеклалтше меропрятийыште, 8 сентябрьыште, лийын. Проект Марий Эл Правительствын, Промышленность, экономике вияҥмаш да торговльо министерствын, Туризмым вияҥдыме шотышто регионысо агентствын да партнёр-влакын полшымышт дене илышыш шыҥдаралтын. 📸Михаил Скобелевын фотожо/ "Марий Эл" увер агентстве