Августышто Марий Элыште 367 йоча шочын.
Августышто Марий Элыште 367 йоча шочын. Нунын кокла гыч 192 эрге да 175 ӱдыр. Куд ача-аван йыгыр икшыве шочын. Тыгодым 16 аза ош тӱняшке палемдыме жап деч ондакрак толын, палдарат Перинатальный рӱдерыште. Тений июльыштат эрге йоча шукырак – 217 – шочын. Ӱдыр – 191. Тунам эргыштлан ача-ава кокла гыч южышт шуэн вашлиялтше тыгай лӱмым пуэныт: Григорий, Иоанн, Леон, Лука, Мирослав, Прохор, Роберт, Святослав, Теодор, Тихон. А ӱдыр-влак коклаште тыгай лӱман-влак ынде улыт: Влада, Гулабатин, Евангелина, Евдокия, Злата, Июльия, Мадина, Стефания, Шабнам, Юстина.
54 просмотров