«Защитники Отечества» фондым вуйлатыше Анна Цивилёва:
«Защитники Отечества» фондым вуйлатыше Анна Цивилёва: «Еш – мемнан тӱҥ эҥертышна, тудо кажнылан куаным конда, пиаланым ышта. Лишыл еҥ-влакын икте-весыштлан полшымышт у пашалан ӱнарым ешара. Таче мый Марий Эл Республик гыч ветеран Александр Моторов ден тудын Эльвира пелашыж нерген ойлынем. 2022 ий шыжым Александр лӱмын тӱҥалме сарзе операций кундемыш мотострелковый дивизий дене пырля каен. Сӧйлык пашам чаплын шуктымыжлан «За отвагу» медаль дене палемдалтын. А 2023 ий кеҥежым Александрын кидше чот сусырген. Эмлалтме да ӱнарым погымо неле жапыште воктенже эреак Эльвира пелашыже лийын. Мӧҥгӧ пӧртылмекше, Александр «Защитники Отечества» Кугыжаныш фондын филиалышкыже йодмаш дене миен. Специалист-влак тудлан протезлан ешарен тӱлаш, ешын илыме вержым тачысе жаплан йӧнештараш, тудлан келшыше вургемым налаш полшеныт. Эльвира пелашыж дене пырля тудо тыгак «СВОй бизнес» тунемме программе дене шинчымашым налын. Налме шинчымашым вате-марий илышыште кучылтыныт – тафтинг йӧн дене ковёрым ыштыме шке пашаштым почыныт. Тиде йӧн тӱрлӧ сӱретан кугу, мотор да кужун чытыше арверымышташ полша. Таче кечын Моторовмытын еш пашашт ӱшанлын вияҥеш, сатушт налше-влаклан келша. Александр ден Эльвиралан еш пиалым, сай илышым, бизнесыште лектышым тыланем!»