🎼🎨 Кодшо арняште И.С.Палантай лӱмеш тӱвыра да сымыктыш колледж ден Йошкар-Оласе худож...
🎼🎨 Кодшо арняште И.С.Палантай лӱмеш тӱвыра да сымыктыш колледж ден Йошкар-Оласе художественный училищын выпускникше-влак тунемме организацийым пытарыме нерген документым, дипломым, кидышкышт налыныт. Колледжын 73 выпускникше гыч латиндешынже чыла "визытанлан" тунемын. Республикыштына тӱвыра илышын могай лиймыже нунын паша верым ойырен налмышт денат кылдалтын. А ик эн тӱҥ полышлан "Еш" нацпроект дене келшышын "Земский тӱвыра пашаеҥ" программым шотлыман. Тудын полшымыж дене регионыштына ты марте ныл специалист паша верым муын. 2026 ийыште квот 20 марте кушкын. Кодшо арня марте 28 еҥ ты конкурсыш ушнен. Йодмашым эше 15 июль марте налыт. Документ-влакым тыгай электрон адресыш колташ лиеш: mincult@mari-el.gov.ru («Земский работник культуры — 2026» манын возыман) але шкеак тыгай алрес дене конден пуаш лиеш: Йошкар-Ола, Вознесенский урем, 51. (106 кабинет, паша кечын 8:30 гыч 12:30 да 13:30 гыч 17:30 шагат марте).