Марий Элыште ласка илышым арален кодаш манын, территориальный обороно отрядым чумырат.
Марий Элыште ласка илышым арален кодаш манын, территориальный обороно отрядым чумырат. Мемнан регионышто «БАРС Марий Эл» отряд чумыралтеш. Лач тушко мобильный огневой группо-влак пурат. Контракт 3 гыч 5 ий марте ышталтеш. Эн ончыч армийыште служитлыше, салтак илышым палыше-шамычлан кугу тӱткыш ойыралтеш. Тыгодым эн тӱҥлан республиклан полшаш, сеҥымашым лишемдаш кумыл лийшаш. Медицине велымат нимогай чарак лийшаш огыл. Ты контрактын ойыртемже – службо лач Марий Элыште гына эрта. Республикым кудалтен, вес регионыш каяш огеш кӱл. Тыгодым кажне тылзын выплате лиеш, паша верыште окса довольствий ден кокла пашадар аралалт кодыт. Лекше йодышым военкоматыште але тыгай телефон номер дене рашемден кертыда: +7 (8362) 640091, 452834.
182 просмотров