Республикысе профсоюз движений ик курым утла ожно шочын. Марий автоном областьысе профс...
Республикысе профсоюз движений ик курым утла ожно шочын. Марий автоном областьысе профсоюз-влакын икымше районный погынышт 1921 ий сентябрьыште лийын. Марий Элым вуйлатышын указше лач тиде кечым курым-курымешлан шарнымашеш коден: ынде 16 сентябрь республикыште профсоюз движенийын шочмо кечыж семын официально палемдалташ тӱҥалеш. Марий Эл правительстве председательын икымше алмаштышыже – регионым вуйлатышын администрацийжым вуйлатыше Лидия Батюкова республикыште профсоюзым ыштымылан 105 ий теме дене движенийын активистше ден ветеранже-влакым Юрий Зайцевын кӱштымыж почеш саламлен. Погынымаште толкынын историйже нерген «Профсоюзы Республики Марий Эл –105 лет пути» книга дене палдареныт. Тудын авторжо – 1994-2022 ийлаште республикысе профушемын председательже Ольга Цветкова. Лудса: газетамарийэл.рф/marij-prof... Елена Иванован фотожо.