Мордовийын рӱдолаштыже, Саранскыште, 8-10 октябрьыште «Финн-угор-влак: вияҥме у шӧрын-ш...
Мордовийын рӱдолаштыже, Саранскыште, 8-10 октябрьыште «Финн-угор-влак: вияҥме у шӧрын-шамыч» калык-влак кокласе форум эрта. Тушко самырык финн-угор музыкант, мурызо, уста самырык тукым, финн-угор тӱвырам арален кодымаште да вияҥдымаште тыршыше, этнокультур, медиа да образований шотышто эксперт-влак чумыргеныт. Марий Эл гыч тушко Марий Элын калык кидмастарже Виталий Кудрявцев, кинорежисер, мурызо, актёр Денис Шаблий миеныт. Тидын нерген нуно шке воткыл лаштыкыштышт увертареныт. Икмыняр кече тӱрлӧ регион гыч участник-влак, музык, фольклористике, журналистике тӱня гыч спикер-влакын лекцийыштым колыштыт да шке творчествышт дене калыкым кузе шараш тунемаш тӱҥалыт. Фотом Виталий Кудрявцев ден Денис Шаблийын воткыл лаштыкышт гыч налме.
10 просмотров