«Российысе марий-влак» федерал калыкле-тӱвыра автономий цифран сӱрет каталогым почын.
«Российысе марий-влак» федерал калыкле-тӱвыра автономий цифран сӱрет каталогым почын. Ты паша «Цифран тӱвыра» проект почеш Российысе калык-влакын пашашт шотышто федерал агентствын полшымыж дене шукталтын. Каталогышто чылаже 1865 картычке – 1865 сӱрет. Тиде – марий вургем, орнамент, тӱр, куэм, вуйчием, сӧрастарыш, этнографий фотосӱрет ден тоштерысе экспонат-влак. Молан чыла тиде кӱлеш? – Чыла тидым арален кодаш да марий калыкнан поянлыкше дене утларак еҥлан палыме лияш йӧным ышташ; – Шымлызе, студент, кидмастар-шамычлан да кӧлан марий тӱвыра шерге, нунылан полшаш; – Самырык тукымым кугезына-влакын тӱвыраштым шымлаш кумылаҥдаш. Каталогым онлайн йӧн полшымо imagedataset.ru сайтыште ончаш лиеш. https://газетамарийэл.рф/katalogyshto-marij-kalykyn-tӱvyra-poyanlykshe/