❄️15 октябрь гыч 5 ноябрь марте «Йӱштӧ Кугызам саламле» всероссийский акций эрта.
❄️15 октябрь гыч 5 ноябрь марте «Йӱштӧ Кугызам саламле» всероссийский акций эрта. Номинаций-влак тыгай улыт: 🔹Йӱштӧ Кугызалан почеламут: Йӱштӧ Кугызан шочмо кечыжлан пӧлеклалтше почеламутым возаш да наизусть лудаш; 🔹Йӱштӧ Кугызалан йомак: Йӱштӧ Кугызан шочмо кечыжым пайремлыме дене кылдалтше йомакым шонен лукташ да каласкалаш; 🔹Йӱштӧ Кугызалан муро: Йӱштӧ Кугызан шочмо кечыжлан пӧлеклалтше мурым келыштараш да йоҥгалтараш; 🔹Йӱштӧ Кугызалан пӧлек: шке кид дене поро тыланымашан саламлымашан открыткым але кидпашам ышташ. Почеламут, йомак да муро номинацийлаште участникын пашаж дене пырля видеосаламлымашым войзыман.Пӧлек номинацийыште участникын пӧлекым ыштыме видеом возыман. Видеом мучашлыме годым результатым ончыктыман. «ВКонтакте» социальный сетьыште видеом вераҥдыман. Тыгодым лаштыкда почмо лийшаш. Постын текстыштыже тыгай хештег-влакым ончыктыман: #ПоздравляюДедаМороза #ВсероссийскийДедМороз #ВологдаНовогодняяСтолица2027 🌐Акцийыш ушнаш йодмашым электрон формышто возыман (йодмаш акцийын сайтыштыже 15 октябрьыште савыкталтеш). Йодмашыште участникын «ВКонтакте» воткыл лаштыкшын видеожын постышкыжо ссылкым ончыктыман. Тиде акцийыш школышто тунемшын личный кабинетше гыч йодмашым гына налыт. Ик йодмашыште икмыняр паша дене ссылкым колташ чарыме. Тыгай йодмашым эксперт-влак ончаш огыт тӱҥал. 100 сеҥышым 18 ноябрьыште «Увер» («Новости») ужашыште вераҥдат. Чыла участник официальный электрон сертификатым налеш, а сеҥыше-влакым Йӱштӧ Кугыза деч шарнымашан пӧлек вуча. 🎁Тӱҥ приз - Великий Устюгышто Йӱштӧ Кугызан вотчинышкыже сертификат. Акцийыш Россий Федерацийысе школлаште (1 гыч 11 класс марте) але ешартыш шинчымашым пуышо учрежденийлаште тунемше-влак гына ушнен кертыт. Ешартыш увер - сайтыште. 📸Михаил Скобелевын фотожо/ "Марий Эл" увер агентстве