20 октябрьыште «Магия начинается здесь!» всероссийский акций тӱҥалеш.
20 октябрьыште «Магия начинается здесь!» всероссийский акций тӱҥалеш. Тудо Российын Тӱвыра ден Просвещений министерстве-влакын «Культура для школьников» проектше кышкарыште эрта. Тӱҥ шонымашыже – кушкын толшо тукымын цирк искусствылан шӱман улмыжым кугемдаш, самырык талешке-влаклан шке нерген увертараш йӧным пуаш. Пӱтынь Россий гыч тунемше-влак творческий пашашке ушнен кертыт. Тидлан нунылан темлыме номинацийлаште пашам ямдылыман: – «Оригинальный жанр» – иллюзий, атлетике, скакалке, лассо да сола дене модмаш, эрвел модыш, молат. – «Юж гимнастике» – южышто кечыше оҥгышто, стропаште номерым ончыктымаш. – «Жонглирований» – соло да командыште выступатлымаш. – «Клоунаде». – «Спорт акробатике». – «Дрессур». – «Изобразительное творчестве» – циркысе представленийлан сӱретлыме афише. – «Циркысе представленийлан рецензий». Йодмашым «Культурадляшкольников.РФ» порталыште личный кабинетыште кодыман. Тидым 20 ноябрь марте ыштен шуктыман. Акцийын иктешлымашыж почеш эксперт, цирк сымыктышын да спортын сулло педагогшо-влак 100 наре эн оҥай пашам ойырен налыт. Сеҥыше-влакын лӱмышт проектын сайтыштыже 8 декабрьыште савыкталтеш.