Таче, 26 октябрьыште, Звенигово – Шолэҥер – Морко корнын 90-ше километрыштыже 10 шагата...
Таче, 26 октябрьыште, Звенигово – Шолэҥер – Морко корнын 90-ше километрыштыже 10 шагатат 20 минут лишан кок автомашина тӱкнен. Оперативный данный почеш, Chevrolet автомобильым виктарыше пӧръеҥ лӱдыкшыдымӧ скоростьым ойырен налын огыл да ваштареш полосаш лектын. Тушто Mitsubishi машина дене тӱкнен, увертарат Марий Эл прокуратурышто. Аварийлан кӧра Chevrolet автомобильын водительже да тудын пассажирже коленыт, тиде машинан кок пассажиржым, тыгак Mitsubishi-н водительже ден кум пассажирым, коклаштышт ийготыш шудымо ик еҥ лийын, эмлымверыш наҥгаеныт. Морко районысо прокуратур ДТП-н чыла амалжым рашемдымым контрольыш налын. ГИББД ушештара, кугу туткар, эҥгек ынже лий манын, корнышто моткоч тӱткӧ лийман! Фотом Марий Эл УГИБДД-н воткыл лаштыкше гыч налме.