Йошкар-Олаште «Марий Эл Республикыште этнологий шымлымаш: эртыше жап да у йӧн-влак» рег...
Йошкар-Олаште «Марий Эл Республикыште этнологий шымлымаш: эртыше жап да у йӧн-влак» регионысо шанче-практик конференций почылтын. Мероприятий «Финн-угор транзит» сымыктыш да калык усталык тӱнямбал фестиваль кышкарыште эртаралтеш да лӱмлӧ этнограф, историй шанче кандидат Тамара Лаврентьевна Молотован шочмыжлан 70 ий теммылан пӧлеклалтеш. Шанчызе 270 пашан, 5 монографийын авторжо. Конференцийыште кундемыштына этнологий шымлымаш дене кылдалтше пӱсӧ йодыш-влакым каҥашат, эртыше жапыште шуктымо пашам иктешлат да ончыкылан тӱҥ направлений-влакым палемдат. Участник-влак Марий Эл, Самара, Москва, Санк-Петербург, Китеж, Казань, Набережные Челны ден моло олала, Пошкырт, Урал, Удмуртий, Мордовий, Чуваш, Угарман кундемла, Узбекистан, Дагестан гыч лийыныт. Пленар заседаний деч вара конференций шке пашажым кум секцийыште шуя. Светлана Носован фотожо.