Пӱро олаште еш воспитанийлан полшышо «Феникс» рӱдерын пырдыжыштыже Башкортостан Республ...
Пӱро олаште еш воспитанийлан полшышо «Феникс» рӱдерын пырдыжыштыже Башкортостан Республикын калык сӱретчыже Георгий Калитовлан шарнымаш оҥам пижыктеныт. Тиде пӧртыштӧ зудожник 963-1967 ийлаште Сергей шольыж дене пырля илен да тунемын: тушто йочапӧрт лийын. Георгий Гайниахматович (1952-2021) Балтач район Ӱлыл Иванай ялыште шочын-кушкын. Калык сӱретче лӱмым 2012 ийыште сулен налын. Тудо тыгак Башкортостанын сулло сӱретчыже (2003 ий), Башкортостанын Салават Юлаев лӱмеш кугыжаныш премийжын лауреатше (1995 ий), БАССР тӱвыран сулло пашаеҥже (1987), Россий сӱретче ушемын радамышкыже 1995 ийыште пурен. Сергей Калитовын ойлымыж почеш, изажын усталыкше изобразительный искусствын тӱрлӧ шӧрыныштыжӧ почылтын, монументальный живописьыштат сай лектышыш шуын. https://газетамарийэл.рф/sharnymash-oҥam-pochynyt/ Фотом «Победа Бирск» газетын воткыл лаштыкше гыч налме