Марий Элыште кажне ийын Юл эҥерын вӱд поянлыкшым тазаҥдыме паша шукталтеш.
Марий Элыште кажне ийын Юл эҥерын вӱд поянлыкшым тазаҥдыме паша шукталтеш. Тений шыжымат Куйбышев водохранилище кумдыкышто, Звенигово районысо Кокшайск посёлко воктене, 4800 толстолобик изи колым колтеныт. Тудым Саратов областьысе Покровский питомникыште колын естественный средаште сайын иланен кертме кугытым погымо марте ончен куштеныт. Республикын Янлык тӱня департаментшын вес уверже почеш, шукерте огыл Юлыш тыгак 14,5 тӱжем сазан, Чебоксар водохранилищыш 8 тӱжем сӱгыгол колигым колтеныт. Сазанжым У Торьял кундемысе кол питомникыште ончен куштеныт. 📸Департаментын воткыл лаштыкше гыч налме фото-влак. https://газетамарийэл.рф/yul-eҥeryshte-kol-lijshash/
30 просмотров