«Салаватик»ларның җырларын сагынгансыздыр... Каникуллардан соң өр-яңа җырны кабул итегез))
«Салаватик»ларның җырларын сагынгансыздыр... Каникуллардан соң өр-яңа җырны кабул итегез)) Бүген интернет киңлекләрендә «Салаватик»ларның «Үчтеки» җырлы-уенның видео клибы дөнья күрде. «Үчтеки» — татар халкының борынгыдан килгән күңелле такмак-уеннарының берсе. Аны әниләр, әбиләр кечкенә балалар белән уйнаганда әйткәннәр. Бу уен-такмак аша сабыйны сөендергәннәр, аның белән аралашканнар һәм матур теләкләр теләгәннәр. «Үчтеки, үчтеки, Үсмәгәнгә кечтеки. Үсә-үсә зур булыр, Бигрәк матур кыз булыр!» Малайларга багышланган вариантында соңгы юлларны «Бик батыр егет булыр!» дип әйткәннәр. Ә «кечтеки» сүзе «кечкенә» мәгънәсендә кулланыла. Ягъни өлкән кеше сабыйга сөеп: «Син әле кечкенә, әмма үсәчәксең, зур һәм матур кеше булачаксың!» — дип матур теләк теләгән.