ТУЛЛУКТАРДЫЫН ЭРГИЛЛИЭМ
ТУЛЛУКТАРДЫЫН ЭРГИЛЛИЭМ 🌀Анал байыаннай дьайыы кыттыылаахтарыгар анаммыт "Туллуктардыын эргиллиэм" сквер бу күннэргэ арыллыаҕа. Оҕолор бырайыактарыттан саҕаламмыт толкуй сыыйа сириэдийэн, хас да түһүмэҕи ааһан, СӨ Үп министиэристибэтин "Олохтоох көҕүлээһиннэри өйүүр" программа чэрчитинэн көмүскэнэн, үбүлэннэ.Бырайыак куратора - тыа сирин көҕүлүүр дирекция (сал. Г. Г. Вырдылин). Уопсай үбэ 2 мөл. 660 тыһ. солк. тэӈнэһэр. Мантан 2 мөлүйүөнүн Үп министиэристибэтэ көрдө, 300 тыһ. улуус дьаһалтата укта, 300 тыһ. "Учур" тэрилтэ (Большаков Ю. Н.) спонсордаата, 60 тыһ. нэһилиэнньэ хомуйда. Маны сэргэ "Тааттаавтодор" (сал. И. И. Бочонин), "Техресурс" тэрилтэ (сал. И. И. Бурмистров), нэһилиэк дьаһалтата (баһылык Е. И. Павлов) сүӈкэн көмөнү оӈордулар. Бүгүн АБДь кыттыылаахтарын кэргэттэрэ, ийэлэрэ кэлэн, күргүөмүнэн субуотунньуктаан күрүөтүн кырааскалаатылар. @taattagazeta