"Күн оһуохайын сардаҥалара" лааҕыр үлэтин саҕалаата!
"Күн оһуохайын сардаҥалара" лааҕыр үлэтин саҕалаата! Алтынньы 5 күнүгэр Таатта улууһун ытык Чөркөөх нэһилиэгэр, улуустааҕы норуот айымньытын дьиэтин, П.А. Ойуунускай аатынан Чөркөөх орто оскуолатын уонна Н.Н. Туласынов аатынан норуот айымньытын дьиэтин көҕүлээһиннэринэн, улахан суолталаах «КҮН ОҺУОХАЙЫН САРДАҤАЛАРА» оһуохай лааҕыра үлэтин саҕалаата. Бу лааҕыр А.Е. Кулаковскай-Өксөкүлээх Өлөксөй төрөөбүтэ 150 сылыгар, А.И. Софронов-Алампа төрөөбүтэ 140 сылыгар, Д.К. Сивцев-Суорун Омоллоон төрөөбүтэ 120 сылларыгар ананар уонна алтынньы 5-10 күннэригэр диэри П.А. Ойуунускай аатынан Чөркөөх орто оскуолатын иһинэн "Сардаана" литературнай-краеведческай лааҕыр базатыгар ыытыллар. Лааҕыр уһуйааччыларынан, Таатта улууһун Дархан этээччилэрэ: Афанасий Попов, Айта Васильева, үтүөлээх этээччилэр Лариса Попова, Иван Иванов, уонна өрөспүүбүлүкэтээҕи «Оһуохай» түмсүүттэн В.В. Хорунов үлэлиэхтэрэ. ☀️Лааҕыр бастакы күнүгэр оҕолор салайааччыларын кытта Чөркөөх Түмэлигэр сырыттылар. Манна кинилэр төрөөбүт дойдуларын историятын, культуратын кытта билсистилэр. Ону таһынан, Чөркөөх норуодунай тыйаатырын режиссера Мотрена Яковлева "Оһуохайга Айыылар суолталара" диэн тиэмэҕэ бэсиэдэ ыытта. Оҕолор Валентин Хоруновы кытта көрсүһүүгэ кыттан, оһуохай туһунан элбэх саҥаны биллилэр. Бу лааҕыр оҕолорго саха төрүт культуратын, оһуохай уратыларын дириҥник билэллэригэр улахан суолталаах буолуора саарбаҕа суох. #МБУ"УДНТ" #Таатта #оһуохай #Сардааналааҕыр #Черкех #Таттинскийулус @taattagazeta @ulusmedia