Бөтүөҥҥэ буспут бараан этэ уонна охчуттарбыт ситиһиилэрэ
Бөтүөҥҥэ буспут бараан этэ уонна охчуттарбыт ситиһиилэрэ Балаҕан ыйын 26 - 27 күннэригэр Читинскай уобалас Агинскай куоратыгар Нам улууһугар төрүт ох сааны төрүттээбит Бурятияттан сылдьар классическай сааҕа СССР спордун маастара Дмитрий Дандарович Дансаранов кэриэһигэр сахалыы “Байанай бэлэҕэ” төрүт көрүҥмүтүгэр уонна буряттыы "Сурам" диэн көрүҥҥэ бэрт интэриэһинэй табаарыстыы көрсүһүү буолла. Манна биһиги улуустан 10 охчут баран холонон көрдө. Саха сириттэн уопсайа 34 ох саанан ытааччы кытынна. Түмүккэ эр дьоҥҥо Виктор Тистяхов - 3-с миэстэ, дьахталларга Ньургуйаана Макарова, Ульяна Чупрова 3-4-с миэстэ буоллулар. Абсолютнай киирсиигэ Уолбаттан тахсан эрэр охчут Элеонора Гаврильева чаҕылхай кыайыыны ситистэ. Онон Таатта охчуттара ситиһиилээхтик кыттан кэллилэр. Бу күрэс икки сылынан Намҥа буолуо, онтон салгыы эмиэ Бурятияҕа буолуохтаах. Киһи сөҕөрө бу икки күн устата буряттар ас астаан 120 киһини буор босхо аһаппыттар. Күрэхтэһии бүтэһик күнүгэр барыларын бөтүөҥҥэ буспут баран этинэн күндүлээбиттэр. @taattagazeta @ulusmedia