ХАРБАЛААХХА - УРАТЫ СЭРГЭХ ТЭРЭЭҺИН
ХАРБАЛААХХА - УРАТЫ СЭРГЭХ ТЭРЭЭҺИН 🌀Тыа хаһаайыстыбатын үлэһиттэрин уонна Тааттаҕа биллэриллибит төрүт ас күннэригэр сөп түбэһиннэрэн, Орто Амма нэһилиэгэр уратытык толкуйдаммыт, хас эмэ хайысханы хабар сэргэх тэрээһин сүрэхтэннэ. Тыа хаһаайыстыбатын управлениетын салайааччыта Г. С. Кычкин тыа хаһаайыстыбыгар өр сылларга үлүмнэһэ үлэлиир дьоӈӈо "Таатта т/х бочуоттаах үлэһитэ" бэлиэни, махтал суруктары туттарда. Итиэннэ дьонноругар окко-маска, хотон үлэтигэр көмөлөһөр оҕолору бэлиэтээн, бэлэхтэри туттарда. Бу күн коллекционердар көмөлөрүнэн сир, от, сүөһү үлэтигэр туттуллар былыргы мал быыстапката тэрилиннэ -60-с сыллардааҕы сэппэрээтэрдэр, олох былыргы чугуун иһит, өтүйэ, баахыла тимирэ, ньирэйи аһатар суоска сэӈээриини ыллылар. Ону сэргэ кроликтары, хоӈор хаастары, карликовай кууруссалары ордук оҕо аймах сэргээтэ. Бу күн сүрүн болҕомтото оҕолорго туһуланна. "Төрүт аспыт ураты амтана" диэн аатынан тэриллибит ааҕыыларга 40-ча үөрэнээччи кытынна. Оҕолор бэйэ аһыттан араас аһы астаан аҕалбыттар. @taattagazeta @ulusmedia