ИЛЛАРИОН БАРАХСАН
ИЛЛАРИОН БАРАХСАН Көҥүл тустууга уолаттарга сахалартан бастакы аан дойду чемпиона Илларион Федосеев төрөөбүтэ 75 сылыгар чугас доҕоро Б.Ф. Неустроев - Мандар Уус ахтыытын сэргээн ааҕыҥ Өтөрдөөҕүтэ куораттаан иһэбит. Кыс хаар ортото, түүн, тымныы оргуйан олорор. Илларионнуун биһиги сэһэммит-сэппэммит күө-дьаа бөҕө, аргыстарбыт да сэргээн, сэҥээрэн истэллэр, кыттыһаллар. Эмискэ массыына уотугар суол ортотунан киһи хааман иһэрэ көһүннэ, байааттаҥнаан ылар, турбахтыыр, эргичиҥниир. — Оо, бу киһи иэдэйдэҕин, ыл, тохтоо, — диэн Илларион саҥа аллайда. Массыынабыт хорус гына тохтоотун кытта ыстанан түһэммит били киһибитигэр сүүрдүбүт. Сирэйэ бүтүннүү кырыа, икки сыгынньах илиилэрин сиэбигэр уктубут, холуочук. Балачча итирик киһи тахсан баран, тоҥон, тымныыттан өйдөммүт быһыылаах. Икки өттүттэн ыламмыт массыынаҕа киллэрдибит, сыҕайсан олортубут, хата киһибит хоп курдук хардаран иһэр, субу ааспыт бөһүөлэкпититтэн тахсыбыт: «Чурапчылаан иһэбин», — диэхтиир. — Доо, илиилэриҥ, атахтарыҥ иэдэйдэхтэрэ буолуо, — дии-дии, Илларион анараа киһи илиитин сиэбиттэн хостоон, былдьаан ылан харса суох имитэр, кырдьык илиитэ баҕа иһин курдук тыбыс-тымныы буолбут. Салгыыта @taattagazeta @ulusmedia