🚩КОМСОМОЛ СУОЛДЬУТТААХ ИИСТЭННЬЭҤ ЭБЭЭЛЭР
🚩КОМСОМОЛ СУОЛДЬУТТААХ ИИСТЭННЬЭҤ ЭБЭЭЛЭР "Аалай уоттаах сулуһум, айар-тутар суолдьутум! Эн комсомол, эн комсомол - мин дьолум!" - бу уоттаах-төлөннөөх ырыанан бүгүҥҥү күннэрин киэргэтэллэр Дьохсоҕон нэһилиэгин "Иистэнньэҥ Эбээлэр" түмсүү кыттыылаахтара. Клара Егоровна Ючюгяева сатабыллаахтык салайыытынан түбүктээх үлэлээх эбээлэр Өксөкүлээх Өлөксөй аатынан Дьохсоҕон орто оскуолатын 6 кылааһын үөрэнээччилэригэр (кылаас салайааччыта Елена Егоровна Попова) сахалыы сэлиэччик тигэ сылдьаллар. Бүгүҥҥү күн үрдүк үөрүүтэ эбээлэргэ өссө биир бэлиэ түгэнинэн кэрэхсэнэр. Түмсүү кыттыылааҕа, тыа хаһаайыстыбатын туйгуна Ньургустаана Дуракинова эдэр сааһын суолдьут сулуһа буолбут комсомол күнүгэр күн сирин көрбүт күнэ. Бу күнү сэргэх эбээлэр аалай былааттаах, маҥан куопталаах, мэтээлээх-уордьаннаах, ырыа аргыстаах көрсөллөр. //Наталья Григорьева @taattagazeta @ulusmedia