🐬МУҤХА ҮӨРҮҮТЭ
🐬МУҤХА ҮӨРҮҮТЭ 🌀30-тан тахса сыл устата муҥханы тэрийиинэн дьарыктанар, балыктааһыны өрө тутар Николай Николаевич Слепцов тэрийиитинэн Ытык Күөлтэн чугас, арҕаа алаастарга МУҤХА буолла. Николай Николаевичтыын сыллата тэҥҥэ сылдьан, өрүү бииргэ муҥхалыыр халбаҥнаабат хамаандатын дьоно, дьахтардыын, эр киһилиин хара ааныттан үлэҕэ түһэн, ким тугу гынарын барытын билэр, биир этитиитэ суох оҥорор киһи сөҕөр дьоно эбит. Биир кыната 100 миэтэрэ уһуннаах улахан муҥханы түөртэ түһэрэн, икки бастакы сырыыга кураанах тахсан баран, дьэ, доҕор, үһүс, төрдүс түһэриилэргэ муҥха ийэтэ толору лачыгырас собонон күндүлээн, үөрүү үрдэ суох буолла. Күнү быһа сылдьыбыт дьон тута күө-дьаа буола түстэ. Онон, Күөх Боллох Тойон күндүлээтэ, эбэ барахсан маанылаата. Муҥхаһыттар бука бары илии тутуурдаах, өттүк харалаах, саха тэҥэ суох үөрэн, сүргэлиин көтөҕүллэн дьиэлээтилэр. Муҥха үөрүүтүн кэпсээнэ бүгүн төһө эмэ дьиэҕэ тэнийиэҕэ, хамсаппытынан балык миинэ күннээҕи сылааны таһаарыаҕа. @taattagazeta @ulusmedia