ТААТТАТААҔЫ ХАРТЫЫНА ГАЛЕРЕЯТЫГАР СКУЛЬПТОР АЛЕКСЕЙ ФЕДОСЕЕВ БЫЫСТАПКАТА АРЫЛЫННА
ТААТТАТААҔЫ ХАРТЫЫНА ГАЛЕРЕЯТЫГАР СКУЛЬПТОР АЛЕКСЕЙ ФЕДОСЕЕВ БЫЫСТАПКАТА АРЫЛЫННА 🔖Бүгүн Таатта улууһугар хартыына галереята саҥа саалатын арыйар маҥнайгы тэрээһинэ ыытылынна. Арассыыйа худуоһунньуктарын сойууһун чилиэнэ, скульптор Алексей Федосеев «Дойдум сылаас тыына» диэн персональнай быыстапката дьон-сэргэ көрүүтүгэр турда. Үөрүүлээх тэрээһиҥҥэ, улуус салалтата, Чөркөөхтөн биир дойдулаахтара, үөрэппит, уһуйбут учууталлара, чугастык алтыһар дьоно-сэргэтэ кыттыыны ыллылар. Тэрээһини галерея сэбиэдиссэйэ Вера Александровна Канаева иилээн-салайан, хомоҕойдук хоһуйан ыытта. Алексей Алексеевич ураты буочардаах, айылҕаны кытта быстыспат ситимнээх скульптор буоларын көрдөрөр үлэлэрэ хартыына галереятыгар биир ый устата дьон-сэргэ көрүүтүгэр туруохтара. Тэрээһин туһунан сиһилии "Таатта" хаһыат кэлэр нүөмэригэр ааҕаарыҥ. Быыстапканы кэлэн көрүҥ, сэргээҥ, кэрэни, үйэлээҕи кэрэхсээҥ. @taattagazeta @ulusmedia