Убаастабыллаах бойобуой дьайыылар кыттыылаахтарын, бары бэтэрээннэрин Чурапчы улууһун с...
Убаастабыллаах бойобуой дьайыылар кыттыылаахтарын, бары бэтэрээннэрин Чурапчы улууһун салалтатын аатыттан уонна тус бэйэм Бойобуой дьайыы кыттыылаахтарын күнүнэн эҕэрдэлиибин! 2021 сыллаахха Ил Дархан Ыйааҕынан Бойобуой дьайыылар кыттыылаахтарын күнэ олохтонуоҕуттан бу улахан суолталаах бырааһынньыгы сыл ахсын от ыйын 1 күнүгэр бэлиэтиибит. Бу күн урукку ССРС, билигин РФ сиригэр-уотугар уонна атын судаарыстыбаларга буолуталаабыт бойобуой дьайыыларга, биирдииилээн сэриилэргэ, сэбилэниилээх киирсиилэргэ кыттыыны ылбыт өрөспүүбүлүкэ олохтоохторун үтүөлэрин ытыктыыр уонна чиэстиир сыалтан олохтоммута. Биһиги дойдубутугар тааллара кырыыламмыт арҕаа дойдулар Арассыыйаҕа эрэ буолбакка, бүтүн аан дойду олоҕор кутталы үөскэттилэр. Ону туоратар туһугар ыытылла турар байыаннай дьайыыларга Сахабыт сирин эр хоһууннара кытталлар, ытык иэстэрин чиэстээхтик толорор, нацизм хара дьайа тарҕаныытын тохтотор туһугар бойобуой сүрэхтэниини ааһа сылдьаллар. Аҕа дойдубут интэриэһин көмүскүүргэ тус олохторун толук уурары кэрэйбэккэ сулууспалаабыт уонна сулууспалыы сылдьар бойобуой дьайыы бары кыттыылаахтарыгар барҕа махталбытын этэбит. Эһиги, бойобуой дьайыылар кыттыылаахтара, бэтэрээннэр өрөспүүбүлүкэ уонна улууспут ыытар байыаннай патриотическай уонна байыаннай ыспартыыбынай, уопсастыбаннай үлэлэригэр көхтөөхтүк кыттан, кырата суох кылааккытын киллэрсэ сылдьаргытынан киэн туттабыт! Инники кирбиигэ өстөөхтүүн киирсэ сылдьар уолаттарбытыгар бойобуой дьайыы сыалын-соругун ситиһиилээхтик толороҥҥут, төрөөбүт дойдугутугар кыайыы кынаттаах эргиллэргитигэр эрэнэбит, Арассыыйаҕа уонна аан дойдуга эйэлээх, нус-хас олох эргийдин диэн бастыҥ баҕа санаабытын этэбит, тус олоххутугар дьолу, ситиһиилэри уонна этэҥҥэ буолууну баҕарабын!