Сылаҥ нэһилиэгин Түөйэ учаастагын олохтоохторун көҕүлээһиннэринэн, уопсай субуотунньугу... — 30 июня 2026 г. в 13:17:54.334
Сылаҥ нэһилиэгин Түөйэ учаастагын олохтоохторун көҕүлээһиннэринэн, уопсай субуотунньугунан тутуллубут үс муостаны арыйыы сиэригэр-туомугар Сылаҥ нэһилиэгин баһылыга Егор Макаров нэһилиэк социальнай-экономическай сайдыытыгар кылааттарын иһин Монастырев Николай Алексеевичка, Беляев Петр Ивановичка, Коркин Кузьма Кузьмичка, Местников Егор Гаврильевичка нэһилиэк дьаһалтатын Бочуотунай грамоталарын, ону сэргэ улуус баһылыгын солбуйааччы Афанасий Дьячковскай муостаны тутууга күүс-көмө буолбут Дьячковскай Валентин Григорьевичка, Василий Васильевич Васильевка, Беляев Владимир Ивановичка улуус баһылыгын Махтал суругун үөрүүлээх быһыыга-майгыга туттартаата. Бу бырайыак өрөспүүбүлүкэҕэ бастыҥ бырайыактар ахсааннарыгар киирэн, "Лучшие практики ТОС" күрэххэ кыайбыта. Муосталар тутуллан, оттуур ходуһаларга Түөйэ үрэҕин быһа туоруур суол баар буолан, олохтоохтор махталлара улахан. Сүрүн спонсордарынан Түөйэттэн төрүттээх дьон буоллулар. Кинилэр 1,5 мөлүйүөн солкуобайдаах көмөлөрүнэн матырыйаал булуллан, таһыллан, буурдааһын, сыбааркалааһын үлэлэрэ ыытыллан, Наммаарыкы, Аан Көлүйэ, Былдьаһык туһаайыытынан Түөйэ үрэҕин туоруур үс муоста баар буолла! Норуот күүһэ - түмсүүгэ! Түмсүү күүһэ - ситиһиигэ!