Чурапчы успуорт туоната буоларын бигэргэтэр дьоһун ситиһиилэр, кыайыылар кэлэ тураллара... — 3 августа 2026 г. в 05:34:43.502
Чурапчы успуорт туоната буоларын бигэргэтэр дьоһун ситиһиилэр, кыайыылар кэлэ тураллара үөрдэр. Ол курдук, Челябинскай куоракка 35-тэн үөһэ саастаах ыспарсымыаннарга чэпчэки атлетикаҕа ыытыллыбыт Арассыыйа чөмпүйэнээтигэр Чурапчы нэһилиэгин олохтооҕо Евдокия Каженкина ыспартыыбынай хаамыыга 3000 уонна 5000 миэтэрэлэргэ итиэннэ диискэни быраҕыыга үһүөннэригэр боруонса мэтээли ылла, оттон Болтоҥо нэһилиэгин олохтооҕо Ульяна Слепцова 5000 миэтэрэҕэ - 2 миэстэ, 800 миэтэрэҕэ - 1 миэстэ, 1500 миэтэрэҕэ - 2 миэстэлэри ылаттаан РФ успуордун маастарыгар хандьыдаат нуорматын толордо, ону таһынан 4*100 уонна 4*400 миэтэрэлэргэ ыытыллыбыт эстафеталарга 3 миэстэни ылан, холбоон барыта 5 мэтээли ылла. Дойду 67 эрэгийиэниттэн 900-тэн тахса атлет, ол иһигэр Саха сириттэн барыта 14 спортсмен кыттыылаах чөмпүйэнээккэ биһиги Чурапчыбыт улууһуттан күрэхтэспит Евдокия Каженкина, Ульяна Слепцова бу курдук чаҕылхай көрдөрүүлэммиттэринэн, улууспутугар кыайыыны-хотууну аҕалбыттарынан эҕэрдэлиибин! Успуорт араас хайысхаларынан бу курдук кыайыылар, ситиһиилэр кэлэ турдуннар диэн туран, уһун тыыннаах быһыйдарбытыгар кытаанах доруобуйаны, өссө үрдүк ситиһиилэри баҕарабын!