Көҥүл тустууга Москваҕа буола турар Арассыыйа чемпионатыгар Константин Капрынов (70 кг)... — 1 августа 2026 г. в 02:55:20.389
Көҥүл тустууга Москваҕа буола турар Арассыыйа чемпионатыгар Константин Капрынов (70 кг) 7:2 ахсаанынан аан дойду чемпионун, Европа икки төгүллээх чемпионун, аан дойдутааҕы Кубок хаһаайынын, Арассыыйа чемпионун Давид Баевы (ХМАО) кыайан боруонса мэтээли ылбытынан, Константины уонна кини тренерин Егор Пономаревы Саха сирин сборнай хамаандатыгар бастакы кыайыыны аҕалбыттарынан эҕэрдэлиибин! Константин 1/16 финалга киирсиигэ Кабардино-Балкария тустуугун Ислам Кажаровы 12:2 ахсаанынан кыайбыта. Онтон биир дойдулааҕын Игорь Матвеевы 2:1 ахсаанынан хоппута. Салгыы Хотугу Осетия бөҕөһүн Заурбек Бугуловы тушенан кыайда. Арай полуфиналга дагестанец Азнаур Таваевка эрэ 7:3 ахсаанынан кыайтарда. Константин бу кыайыыта үс саха уола Павел Пинигин, Роман Дмитриев, Александр Иванов Монреальга 1976 сыллаахха ыытыллыбыт Олимпиадаҕа хатыламмат чаҕылхай, өрөгөй кыайыыларын 50 сылыгар лоп курдук от ыйын 31 күнүгэр түбэспитэ суолталаах. Константиҥҥа өссө үрдүк, чыпчаал ситиһиилэри, саҥаттан саҥа кыайыылары, доруобуйаны уонна дьоллоох олоҕу баҕарабын!