Чурапчыга Е.А. Борисов аатынан улуустааҕы киин бибилэтиэкэттэн үтүө сонун кэллэ. Ол кур... — 25 августа 2026 г. в 01:37:15.113
Чурапчыга Е.А. Борисов аатынан улуустааҕы киин бибилэтиэкэттэн үтүө сонун кэллэ. Ол курдук, киин бибилэтиэкэбит «Дьиэ кэргэн» национальнай бырайыак чэрчитинэн «Семейные ценности и инфраструктура культуры» федеральнай бырайыак кыттыылааҕа буолла! Бу бырайыагынан бибилэтиэкэ саҥалыы өрөмүөннэнэн, ааҕааччыларга ордук табыгастаах усулуобуйаны уонна кэрэ эйгэни тэрийэр үлэтин бэлиэр саҕалаабыт. Ол туһугар ис бараана өссө тупсарыллар, саҥа миэбэл уонна тэрил атыылаһыллар. Ааҕааччы билиитин хаҥаттарыгар анаан Национальнай электроннай бибилэтиэкэҕэ (НЭБ РФ) холбуур үлэ барар. Манна холбонноҕуна, тыһыынчанан кинигэттэн бэйэ талан ылар кыаҕа улаатыахтаах. Бибилэтиэкэ пуондатын полкаларыгар сотору кэтэһиилээх саҥа кинигэлэр баар буолуохтара. Кэлэктиип үлэтин хаачыстыбатын үрдэтэр сыалтан, бибилэтиэкэрдэр билигин эбии үөрэҕи бараллар. Бу курдук киин бибилэтиэкэ дьиэ кэргэн бүттүүнэ билиитин-көрүүтүн хаҥатынар, үүнэр-сайдар, куруутун таптаан сылдьар эргийэр киинигэр кубулуйан эрэрэ барыбытын үөрдэр.