Бэҕэһээ, бэс ыйын 30 күнүгэр, «Көбөкөн нэһилиэгэ» тыа сирин түөлбэтин баһылыга Илларион... — 1 июля 2026 г. в 02:32:39.390
Бэҕэһээ, бэс ыйын 30 күнүгэр, «Көбөкөн нэһилиэгэ» тыа сирин түөлбэтин баһылыга Илларион Илларионович Пестерев дуоһунаһыгар киириитин үөрүүлээх тэрээһинэ, сиэрэ-туома ыытылынна. Үөрүүлээх бэлиэ тэрээһиҥҥэ «Нам улууһа» муниципальнай тэриллии баһылыга Юрий Слепцов, Саха Өрөспүүбүлүкэтин Ил Түмэнин VII ыҥырыытын народнай депутата, Тыа хаһаайыстыбатыгар уонна аграрнай политикаҕа сис комитетын бэрэссэдээтэлэ Александр Атласов, улуустааҕы депутаттар Сэбиэттэрин бэрэссэдээтэлэ Алексей Винокуров, нэһилиэктэр баһылыктара, улуус тэрилтэлэрин салайааччылара уонна ыҥырыылаах ыалдьыттар кыттыыны ыллылар. Улуус баһылыга Юрий Слепцов бэйэтин эҕэрдэ тылыгар Көбөкөн нэһилиэгин саҥа баһылыгар Илларион Пестерека нэһилиэк депутаттара уонна олохтоохторо улахан итэҕэли уонна эрэли биллэрбиттэрин бэлиэтээтэ. Саҥа талыллыбыт баһылык таһаарыылаахтык үлэлиэҕэ, күүһүн-уоҕун, билиитин-көрүүтүн нэһилиэк сайдыытыгар, биир дойдулаахтарын олоҕо тупсарыгар ууруоҕа диэн эрэлин биллэрдэ. Юрий Иннокентьевич Илларион Илларионовичка уонна кини дьиэ кэргэнигэр кытаанах доруобуйаны, үлэтигэр үрдүк ситиһиилэри баҕарда.⤵️