Табаҕа — Дьокуускай туһаайыытынан уу таһыма кутталлаах таһымҥа тиийиэн сөп. — 17 июля 2026 г. в 11:15:48.511
Табаҕа — Дьокуускай туһаайыытынан уу таһыма кутталлаах таһымҥа тиийиэн сөп. Улуустааҕы КЧС и ОПБ хамыыһыйата бары сулууспаларга уонна нэһилиэктэр баһылыктарыгар уу таһыма үрдүүрүгэр бэлэм буолалларыгар соруктары туруорда: ✅Өрүс кытылыгар, ходуһаларга уонна уу ылыан сөптөөх кутталлаах зоналарга баар бары баайы-дуолу, техниканы уонна оттонуллубут оту куттал суох сиригэр көһөрөр үлэни суһаллык тэрийии; ✅Нэһилиэнньэ ортотугар сэрэтии, өйдөтүү үлэтин күүскэ ыытыы. ⚠️ Убаастабыллаах улууспут олохтоохторо, отчуттар, сир астааччылар, туристар уонна балыксыттар! Барыгытын муҥутуур сэрэхтээх буоларгытыгар ыҥырабыт! Уу таһыма үрдүүр кэмигэр өрүс кытылыгар, өрүс арыыларыгар киирбэккитигэр ыҥырабыт. ✅ Уу долгуна ааһар, таһыма үрдүүр кэмигэр өрүһүнэн мотордаах уу транспорынан (лодканан, катерынан) сылдьартан туттунуҥ. ✅Ураты суһалга айанныыр түгэҥҥитигэр — быыһыыр жилеты булгуччу кэтиҥ, уу аннынааҕы кутталлары (уста сылдьар бэрэбинэлэри уо.д.а.) кэтээн көрүҥ уонна сырыыгыт түргэнин намтатыҥ. 📞 Ыксаллаах быһыы-майгы таҕыстаҕына уонна суһал информацияны ыларга: 112 — Экстреннай сулууспалар биир кэлим нүөмэрдэрэ (мобильнайтан босхо). 8 (41162) 42-508 — Нам улууһун ЕДДС сулууспата (хонугу эргиччэ / круглосуточно). «Нам улууһа» МО пресс-сулууспата