🔴 СУҺАЛ ИҺИТИННЭРИИ: ӨЛҮӨНЭ ӨРҮСКЭ УУ ТАҺЫМА ҮРДҮҮРЭ КҮҮТҮЛЛЭР – СЭРЭХТЭЭХ БУОЛУҤ! — 17 июля 2026 г. в 11:13:45.073
🔴 СУҺАЛ ИҺИТИННЭРИИ: ӨЛҮӨНЭ ӨРҮСКЭ УУ ТАҺЫМА ҮРДҮҮРЭ КҮҮТҮЛЛЭР – СЭРЭХТЭЭХ БУОЛУҤ! Саха сиринээҕи УГМС (Гидрометцентр) официальнай иһитиннэриитигэр олоҕуран, Өлүөнэ өрүскэ уу таһыма үрдүүрэ күүтүллэр. Бу боппуруоһунан сибээстээн, Нам улууһун ыксаллаах быһыыны-майгыны сэрэтэр уонна туоратар хамыыһыйатын (КЧС и ОПБ) суһал мунньаҕа буолла. Мунньаҕы улуус баһылыгын э.т. Анатолий Павлов уонна улуус баһылыгын солбуйааччы Филипп Николаев салайан ыыттылар. Мунньахха сүрүн иһитиннэриини улуустааҕы суһал диспетчерскай сулууспа (ЕДДС) начальнига Алексей Ядрихинский оҥордо: Ленскай уонна Өлүөхүмэ оройуоннарыгар күүстээх ардахтар түһэннэр, Өлүөнэ өрүскэ уу таһыма хонукка 1,5-тан 2,7 метрга диэри эбиллэр. Бу уу долгуна өрүс устун аллара устан, от ыйын 17–18 күннэригэр киин улуустарга тиийиэҕэ. От ыйын 20–22 күннэригэр Нам улууһун сиригэр-уотугар өрүс уута хонууга (поймаҕа) тахсан, оттуур сирдэри (ходуһалары) ууга ылара сабаҕаланар. (прогнозируется)⤵️