Тэрээһин үөрүүлээх арыллыытыгар Хамаҕатта нэһилиэгин аҕа баһылыга Евгений Ушницкай, Дьо... — 16 июля 2026 г. в 11:16:55.118
Тэрээһин үөрүүлээх арыллыытыгар Хамаҕатта нэһилиэгин аҕа баһылыга Евгений Ушницкай, Дьокуускайдааҕы художественнай түмэл Намнааҕы салаатын сэбиэдиссэйэ Екатерина Ширяева, Нам улууһун культура управлениятын специалиһа Матрена Платонова, "Кэрэ умсулҕана" айар түмсүү салайааччыта Маргарита Мухина, И. Е. Винокуров аат. историяны уонна кыраайы үөрэтэр түмэл дириэктэрэ Михаил Нестеров тыл эттилэр, кэрэ-бэлиэ күнүнэн эҕэрдэлээтилэр. Хамаҕатта нэһилиэгин "Кэрэ умсулҕана" айар түмсүү иистэнньэҥнэрэ биир дойдулаахтара Е.М. Шапошников төрөөбүтэ 100 сылыгар анаан кини хартыыналарын иис нөҥүө араас ньымалары туһанан таҥаска тигэн таһаарбыттарын кэлбит дьон бары сөҕө-махтайа көрдүлэр. Быыстапка дьон-сэргэ сэҥээриитин ылыаҕын ылла. Быыстапка И.Е. Винокуров аатынан Хатыҥ Арыытааҕы историяны уонна кыраайы үөрэтэр түмэлгэ от ыйын бүтүөр диэри туруоҕа. «Нам улууһа» МО Пресс-сулууспата