Депутаттар аҥаардара (225 мандаат) пропорциональнай системанан, ол эбэтэр политическай ... — 29 июля 2026 г. в 02:27:56.179
Депутаттар аҥаардара (225 мандаат) пропорциональнай системанан, ол эбэтэр политическай партиялар испииһэктэринэн талыллар. Онтон аҥаара (225 мандаат) хас биирдии кандидат иһин тус бэйэтигэр куоластааһын систиэмэтин — биир мандааттаах уокуруктарга быыбардааччылар саамай элбэх куоластарын ылбыт кандидаттар буолаллар. Дойду үрдүнэн тэҥ ахсааннаах быыбардааччылаах 225 биир мандааттаах уокурук тэриллибитэ. Саха Өрөспүүбүлүкэтигэр (Якутскайдааҕы 29-с нүөмэрдээх биир мандааттаах быыбардыыр уокурукка) Парламент алын палаататыгар биир депутат талыллар. **** Ону таһынан, баһылыктар дуоһунаска үлэлиир болдьохторо түмүктэнэринэн сибээстээн, «Модут нэһилиэгэ» уонна «Партизан нэһилиэгэ» тыа сирин түөлбэлэрин (поселенияларын) депутаттарын Сэбиэттэрин уураахтарынан, Саха Өрөспүүбүлүкэтигэр олохтоох салайыныы туһунан сокуоҥҥа олоҕуран, Модут уонна Партизан нэһилиэктэрин баһылыктара талыллыахтара. "Нам улууһа" МО пресс-сулууспата