БЫЫБАР-2026 — 29 июля 2026 г. в 02:26:22.455
БЫЫБАР-2026 От ыйын 27 күнүттэн Улуустааҕы территориальнай быыбардыыр хамыыһыйа үлэтин саҕалаата. Дойду олоҕор улахан суолталаах тэрээһин — Россия Федерациятыгар Бүтүн Россиятааҕы биир кэлим быыбар күнэ — 2026 сыл балаҕан ыйын 20 күнүгэр буолуоҕа. Үс күннээх куоластааһын түмүгүнэн IX - c ыҥырыылаах Государственнай Думаҕа 450 депутат талыллыаҕа. Тэрээһини үрдүк таһымнаахтык ыытар сыалтан, Нам улуустааҕы территориальнай быыбардыыр хамыыһыйатыгар (ТИК) Елена Оконешникова бэрэссэдээтиллээх уопсайа 9 киһи үлэлиир. Улуус үрдүнэн 27 быыбардыыр учаастак (УИК) аһыллыаҕа. Учаастактааҕы быыбардыыр хамыыһыйалар (УИК) балаҕан ыйын 7 күнүттэн быһаччы үлэлэрин саҕалыахтара уонна балаҕан ыйын 9 күнүттэн быыбардааччылар сайабылыанньаларын тутуохтара. Быыбардааччылар балаҕан ыйын 18, 19 уонна 20 күннэригэр куоластыахтара. Бу күннэргэ быыбардыыр учаастактар сарсыарда 08:00 чаастан киэһэ 20:00 чааска диэри аһаҕас буолуохтара.