Мустубут дьоҥҥо “Нам улууһа” МО баһылыгын солбуйааччы Юрий Дьяконов, «Никольскай нэһил...
Мустубут дьоҥҥо “Нам улууһа” МО баһылыгын солбуйааччы Юрий Дьяконов, «Никольскай нэһилиэгэ» тыа сирин түөлбэтин баһылыга Уйгу Сайаан, Нам кииннэммит оройуоннааҕы балыыһатын кылаабынай бырааһа Ариан Сергеев, Нам улууһун депутааттарын сэбиэтин бэрэссэдээтэлэ Алексей Винокуров, Хамаҕатта уонна Никольскай нэһилиэктэриттэн улуус депутаата Павел Иванов, Никольскай нэһилиэгин депутаата Прасковья Протопопова, тутууну ыыппыт подрядчик Алексей Сысолятин эҕэрдэ тылларын анаатылар. Бу күн тутууну ыыппыт дьон наҕараадаланнылар. Нэһилиэк дьаһалтата, түгэнинэн туһанан, ФАП дьиэтэ түргэнник олоххо киириитигэр төһүү күүс буолбут улуус баһылыгар Юрий Слепцовка барҕа махталын тиэрдэр. Никольскай нэһилиэгин олохтоохторун саҥа фельдшерскай-акушерскай пуун арыллыбытынан итиитик-истиҥник эҕэрдэлиибит! Саҥа үлэҕэ киирбит дьиэ өр сылларга сулууспалаатын, сайда-чэчирии турдун, нэһилиэнньэ доруобуйатын көрдөрөн чэгиэн-чэбдик, уһун дьоллоох олохтоннун! “Нам улууһа” МО пресс-сулууспата