🛡️ Гражданскай оборуона
🛡️ Гражданскай оборуона Алтынньы 1 күнүттэн 31 күнүгэр диэри СӨ Баһаары утарыы государственнай сулууспатыгар Гражданскай оборуона ыйааҕа биллэриллэн турар. РФ МЧС-ын бирикээһин толорууга хайысхалаан, тэрилтэ салайааччыта Руслан Босиков СӨ сиригэр-уотугар ыытыллар дьаһаллары сүрүннүүр анал бирикээһэ тахсыбыта. Бу тэрээһин олохтоохтор куттал суох буолуутун эйгэтигэр билиилэрин үрдэтэр уонна суһал быһыыга-майгыга бэлэмнээх буолууну күүһүрдэр сыаллаах. • Алтынньы 7 күнүгэр улуус оскуолаларыгар уонна уһуйааннарыгар Бүтүн Россиятааҕы анал уруоктар уонна эрчиллиилэр буолан аастылар. • Оҕолор уонна учууталлар «ВНИМАНИЕ ВСЕМ» (Бары болҕойуҥ) суһал бэлиэ (сигнал) бэрилиннэҕинэ, ону тэҥэ ракета, авиация (самолёт, вертолёт) эбэтэр дрон куттала суоһаатаҕына тугу гыныахтаахтарын практическай эрчиллиилэргэ үөрэннилэр. Бу дьаһалларга баһаары утарыы сулууспатын личнай састааба уонна анал техниката туһанылынна. ♨️ Олох-дьаһах коммунальнай комплексын объектара СӨ Бырабыыталыстыбатын Бэрэссэдээтэлин бастакы солбуйааччытын э.т. Николай Бочков алтынньы 9 күнүнээҕи сорудаҕын уонна бирикээһин толорон, чааһынай секторга уонна «Намкоммунтеплоэнерго” АО олох-дьаһах хааччыллыытын объектарыгар баһаар тахсыбатын туһугар профилактика үлэтэ барда. Объектар туруктаахтык үлэлииллэрин хааччыйар сыалтан анал бэрэбиэркэлэр, рейдэлэр уонна үлэһиттэргэ сэрэтии-өйдөтүү үлэлэрэ ыытылыннылар. • 2026 сыл саҕаланыаҕыттан өрөспүүбүлүкэҕэ уот ситимин уонна водоснабжение (уунан хааччыйар) 6 квартальнай объектарыгар (ол иһигэр котельнайдарга, подстанцияларга) баһаар бэлиэтэммит. Сүрүн биричиинэлэринэн оһохтору туһаныы быраабылаларын кэһии уонна техника алдьаныыта (техническая неисправность) буолбуттар.⤵️