Бу өйөбүл көмөтүнэн, былырыын биһиги улууспутугар 70 төбө сүөһү турар 3 хотону тутууга ...
Бу өйөбүл көмөтүнэн, былырыын биһиги улууспутугар 70 төбө сүөһү турар 3 хотону тутууга чопчу үп көрүллүбүтэ. Ол түмүгэр эдэр фермер Федот Ядреев саҥа хотонун ситиһиилээхтик тутан, үлэҕэ киллэрдэ.Эдэр фермер хаһаайыстыбатыгар 20 ынах уонна 50-чэ субай сүөһү баар. Быйыл куонкурус түмүгүнэн, улууска тыа хаһаайыстыбатын 5 дьоҕус эбийиэгэ тутуллан үлэҕэ киириэхтээх, ону таһынан «Эрэл» ТХПК-ҕа бородууксуйаны астыыр анал тэрил (оборудование) атыылаһыллара былааннанар. Ону сэргэ, улуус баһылыга Юрий Слепцов көҕүлээһининэн, ынах сүөһү ахсаанын элбэтэр сыаллаах муниципальнай программаҕа бюджеттан харчы көрөн, кэтэх хаһаайыстыбалаах ыалларга хотон тутуутугар куонкурус биллэриллэр. Маннык өйөбүл тыа сирин олохтоохторун үлэтигэр улахан тирэх буолара саарбахтаммат. Үөрүүлээх тэрээһиҥҥэ кэлбит ыалдьыттар эдэр фермергэ истиҥ эҕэрдэ тылларын тиэртилэр уонна эдэр дьон тыа хаһаайыстыбатын салаатыгар үлэлииллэрэ кэскиллээҕин эттилэр.