Тыа сирин кэскилэ — эдэрдэргэ 🌾🐄🐂
Тыа сирин кэскилэ — эдэрдэргэ 🌾🐄🐂 https://t.me/namskiyulus/81596?single Бэҕэһээ, алтынньы 16 күнүгэр, 1-кы Хомустаах нэһилиэгин уонна улууспут олоҕор бэлиэ түгэн буолла — эдэр фермер Федот Ядреев аныгылыы тутуулаах саҥа хотонун үөрүүлээхтик арыйда. Бу тутуу Саха Өрөспүүбүлүкэтин Ил Дархана Айсен Николаев ыйааҕынан олоххо киирбит «Дьоҕус тыа хаһаайыстыбатын тутуу» государственнай программа чэрчитинэн тутулунна. Саха сиригэр тыа хаһаайыстыбатын кыра кыамталаах эбийиэктэрин тутууну өйүүр саҥа механизм 2025 сылга олоххо киириэҕиттэн, олохтоох муниципалитеттар таһымнарыгар үлэ былааннаахтык барар. Субвенция үбэ-харчыта быһаччы оройуоннарга тиэрдиллэр буолбутун түмүгэр, улуустар бэйэлэрин уратыларын көрөн, ханнык эбийиэктэри тутары уонна саҥардан оҥорору бэйэлэрин илиилэригэр ылан быһаарар кыахтаннылар.