Убаастабыллаах Нам улууһун ийэлэрэ уонна аҕалара !
Убаастабыллаах Нам улууһун ийэлэрэ уонна аҕалара ! Бүгүн Саха сиригэр Ийэлэр күннэрин, оттон Арассыыйа үрдүнэн Аҕалар күннэрин бэлиэтиибит. Бу бэлиэ күн биһиги саамай күндү дьоммутугар тапталбытын, ытыктабылбытын биллэрэбит. Ийэлэр, эһиги кыһамньыгытынан, олоххо муударай сыһыаҥҥытынан ыччаттарбыт иитиллэллэр. Эһиги Ийэ дойдуну сырдыгынан, сылааһынан толороҕут. Аҕаларбыт дьиэ кэргэн тирэҕэ, көмүскэлэ, күүһэ-уоҕа, бигэ туруга буолаҕыт. Эһиги өйөбүлгүт биһигини бэйэбит күүспүтүгэр итэҕэйэргэ, олох устун хорсуннук иннин диэки барарга көмөлөһөр. Хас биирдии дьиэҕэ бэйэ-бэйэҕэ таптал, сөбүлэһии, өйдөһүү эйгэтэ баар буоллун, эһиги сүрэххит үөрүүнэн-көтүүнэн, оҕолоргутунан киэн туттуунан туоллун. Бырааһынньыгынан, күндү ийэлэр уонна аҕалар! Ытыктабылы кытта, “Нам улууһа” муниципальнай оройуон баһылыга Юрий Иннокентьевич Слепцов