онтон 22 күнүгэр Модут нэһилиэгэр ыытыллыаҕа.
онтон 22 күнүгэр Модут нэһилиэгэр ыытыллыаҕа. ✅Роспотребнадзор Намнааҕы территориальнай отделын салайааччыта Марфа Игнатьева иһитиннэрбитинэн, бүгүҥҥү күҥҥэ улууска грипп уонна ОРВИ сыстыганнаах ыарыыларын тарҕаныыта эпидемиологическай боруогуттан намыһах таһымҥа турар. Ол эрээри, Затон 9 кылаастаах оскуолатыгар ыарыы тарҕамматын туһугар биир кылааска карантин биллэриллибит. ✅Ааспыт нэдиэлэҕэ уулуссаҕа бэйдиэ сылдьар ыттарга ытыттарыы 2 түбэлтэтэ бэлиэтэммит. Ыттарга ытыттарыы Намҥа уонна Аппааныга тахсыбыттар, эмсэҕэлээбиттэртэн биирдэстэрэ — оҕо. Статистика көрдөрүүтүнэн, улуус үрдүнэн ыкка ытыттарыы 2025 сылга 18 түбэлтэ бэлиэтэммит буоллаҕына, 2026 сылга бу көрдөрүү үрдээн 28-ка тиийдэ. ✅Биир кэлим диспетчерскэй сулууспа (ЕДДС) салайааччыта Алексей Ядрихинскай ааспыт нэдиэлэҕэ Салбаҥ нэһилиэгэр чааһынай олорор дьиэ умайбытын туһунан иһитиннэрдэ. Улуус баһылыга Юрий Слепцов нэһилиэктэр баһылыктарыгар анал хамыыһыйалары тэрийэн, ыалларынан сылдьан бэрэбиэркэ уонна баһаар куттала суох буолуутугар сырдатыы-өйдөтүү үлэлэрин ыытар сорудаҕы биэрдэ. ✅Таастаах нэһилиэгин сиригэр-уотугар баһаартан сэрэтии үлэтин чэрчитинэн, хаппыт оту былааннаахтык уоттааһын (профжигание) ыытылла турар. ✅Улуустааҕы «Эҥсиэли» хаһыат кылаабынай редактора Лена Ноговицына хаһыакка чэпчэтиилээх сурутуу бу сыл алтынньы 26 күнүгэр диэри салҕанарын иһитиннэрдэ. ✅Улуус баһылыгын солбуйааччы Егор Протопопов нэһилиэктэр баһылыктарын олохтоох хаһыакка сурутуу кампаниятын бэйэлэрин нэһилиэктэригэр былааннаахтык уонна көхтөөхтүк ыыталларыгар ыҥырда. Ону тэҥэ, нэһилиэнньэ ортотугар хаһыаты ааҕыы культуратын уонна сурутууну өйүүр наадалааҕын бэлиэтээтэ. ✅Почта сулууспатыгар штаты кыччатыы (сокращение) ыытыллыбытынан сибээстээн, олохтоохтор хаһыаттарын бэйэлэрэ почта отделларыттан тиийэн ылалларыгар күһэллибиттэр. Бу боппуруоска аҕам саастаах уонна доруобуйаларынан хааччахтаах дьоҥҥо хаһыаты дьиэҕэ диэри тиэрдиини нэһилиэктэр баһылыктара тэрийэллэригэр ыҥырдылар. ✅Ростехнадзор анал көҥүлүн ылыллан, Партизан нэһилиэгин «Мымах» кварталыгар олорор дьиэлэри гаас ситимигэр холбооһун үлэлэрэ ыытыллыахтара. ✅Улуус баһылыга Юрий Слепцов Ленскэй нэһилиэгэр хаҥкылыыр каток оҥорору уонна муустан, хаартан оҥоһуктар куонкурустарын ыытан, муус куораты (ледовый городок) тэрийэргэ этии киллэрдэ. ✅КУМИ салайааччыта Вячеслав Белолюбскай иһитиннэрбитинэн, 2027 сылтан «Цифровой двойник» систиэмэтэ үлэҕэ киириэҕэ. Бу улуус уонна нэһилиэктэр сирдэрин-уоттарын, тутууларын уонна кыраныыссаларын чопчу көрдөрөр электроннай каарта буолар. Саҥа систиэмэ олоххо киириитинэн, сир бары докумуоннара уонна чахчылара биир кэлим компьютерга киирэн көстүөхтэрэ. Маны туһанан сир ханна баарын, ким бас билиитигэр турарын уонна хайдах туһанылларын түргэнник бэрэбиэркэлиэххэ сөп буолуоҕа. ✅Эһиил, 2027 сылга, улуус ыһыаҕын чэрчитинэн ыытыллар саха төрүт көрүҥнэригэр «Эҥсиэли Боотура» күрэхтэһии сүрүн спонсора билиннэ. Бу күрэххэ Нам улууһун 18-тан 21-гэр диэри саастаах эдэр уолаттара спорт 7 көрүҥэр 2 күн устата күөн көрсүөхтэрэ.⤵️