Убаастабыллаах Иван Романович!
Убаастабыллаах Иван Романович! Эйигин «Нам улууһа» муниципальнай оройуон дьонун-сэргэтин, общественноһын уонна тус бэйэм ааппыттан төрөөбүт күҥҥүнэн итиитик-истиҥник эҕэрдэлиибин! Эн ханна да үлэлээтэргин мэлдьитин күүскүн-уоххун, сатабылгын барытын уураргын, үлэҥ-хамнаһыҥ ситиһиилээх буоларыгар мэлдьи туруулаһаргын үчүгэйдик билэбит. Нам улууһугар М.К. Аммосов аатынан Хатырык орто оскуолатын директорынан, улуус баһылыгын социальнай боппуруостарга солбуйааччынан, улуустааҕы Депутааттар Сэбиэттэрин председателинэн, СР Ил Дарханын уонна Бырабыыталыстыбатын дьаһалтатын олохтоох салайыныы боппуруостарыгар департаменын салайааччытынан таһаарыылаахтык үлэлээн норуотун итэҕэлин ылбытын. Билигин Саха сирин биологическай ресурсаларын Дирекциятын, ураты харыстанар сирдэрин уонна айылҕа пааркаларын салайааччыта курдук олус эппиэтинэстээх үлэҕэ ананан айа-тута сылдьаҕын. Эйиэхэ Саха сирэ, Нам улууһа сайдыыларыгар кылаатыҥ, дойдуҥуҥ, норуот туһугар бэриниилээх үлэҥ-хамнаһыҥ иһин истиҥ махтал тылларын этэбит. Эн дойдубут дьиҥнээх патриота уонна үүнэр көлүөнэҕэ үтүө холобур буолаҕын. Бигэ тылгынан, киэҥ билиигинэн-көрүүгүнэн, эйэ-дэмнээх дьиҥ чахчы доҕордуу сыһыаҥҥынан, бастыҥ майгыгынан, үтүө санааҕынан дьон-сэргэ убаастабылын ылаҕын. Убаастабыллаах Иван Романович! Инникитин даҕаны Наммыт улууһун туһугар бииргэ үлэлиэхпит-хамсыахпыт диэн эрэнэбит! Эйиэхэ, дьиэ кэргэҥҥэр чэгиэн-чэбдик туругу, уйгулаах олоҕу, дьолу баҕарабын. Үлэҥ-хамнаһыҥ таһаарыылаах, кыайыы-хотуу көтөллөөх, үүнүү-сайдыы аргыстаах буоллун! Эҕэрдэни кытта, «Нам улууһа» муниципальнай оройуон баһылыга Юрий Иннокентьевич Слепцов