Ыалдьыттары “более чем достойно” көрсүө этибит.
Ыалдьыттары “более чем достойно” көрсүө этибит. Балаһыанньа уустугуран, саамай наадалаах диир хайысхаларбытыгар эрэ үлэ ыытарга былааннанан олоробут. Оройуоннааҕы Оргкомитет быһаарыытынан Фондаҕа киирбит үп маннык үлэлэргэ туттуллуохтаах: 1. Түүкээн үрэххэ Киирии стела тупсарыытыгар – 7 487 465 солк 2. Ботомоойу үрэххэ Киирии стела саҥа тутуутугар – 7 439 245 солк 3. “Ньурба оройуонун спортивнай албан аата” аллея оҥоһуллуутугар – 3 000 000 солк 4. Ньурбачааҥҥа стрелковай былаһаакка тутуутугар – 1 500 000 солк 5. Оскуолаларга, детсадтарга санузел оҥоһуллуутугар – 15 000 000 солк. Онон Фондаҕа үп хомуйуутун саамай кыра былаана - 34 426 710 солк. Атын үлэлэргэ, хайысхаларга бу Фонда үбэ барара көҥүллэммэт, барар да буоллаҕына Оргкомитет куоластааһынын түмүгүнэн быһаарыллар. Бу үлэлэр бары этэҥҥэ түмүктэннэхтэринэ, Фондаҕа кыттыспыт хас биирдии киһи: “бу мин көмөбүнэн тутуллубут үлэ” диэн киэн тутта этиниэн сөп. Онтон кыайан туппатахпытына: “биьиги, Ньурбалар, тугу да кыайбат, түмсүүтэ суох дьоммут” эрэ диир кыахтанабыт. Дьонтон үп хомуйуутун тэрийэргэ Оргкомитет иһинэн анал хамыыһыйа тэриллэн турар, салайааччыта - улуус Аҕа баһылыгын экономикаҕа уонна үпкэ солбуйааччыта Э.Н.Мярикянов. Туттуллар үп ороскуотун хонтуруоллуурга Фондаҕа бэйэтигэр бырабылыанньа, ситэриилээх дириэксийэ диэн тэриллэн турар. Фонда бырабылыанньатын бэрэссэдээтэлэ Э.Н.Мярикянов, кини солбуйааччыта – оройуон депутаттарын Сүбэтин бэрэссэдээтэлэ Н.М.Михайлова, кэккэ депутаттар, финансистар, көхтөөх общественниктар, урбаанньыттар бааллар. Үп-харчы ханнык объекка барбытын, хайдах туһанылла турарын номнуо бэрэбиэркэлии сылдьаллар. Үлэ сөпкө барбыт диэн кинилэр сөбүлэстэхтэринэ эрэ харчы хамсыыр. Бырабылыанньа дьыалаларын толорооччу, үлэтин тэрийээччи Фонда толорооччу дириэктэринэн Кииннэммит бухгалтерия салайааччыта А.С.Яковлева буолар. Биһиги бары билэбит: атын маннык тэрээһини ыыппыт улуустар Фондаларыгар, Оонньуулар түмүктэннилэр да, надзорнай уорганнар олус кытаанах бэрэбиэркэни ыыталлар. Онон эппиэтинэһи барытын өйдүүбүт уонна биһиги Фондабыт бырабылыанньата сөптөөх үлэни тэрийэн ыытыа диэн эрэнэбит. Төрдүһүнэн, бу маннык тэрээһиннэр оройуоҥҥа, олохтоохторго туһаны аҕалыахтаахтар диэн эмиэ олус сөпкө этиллибит. Канны куоратыгар буолар киинэ фестивалын холобурдаабыт. Түгэнинэн туһанан, биһиги эмиэ дьоҥҥо тиэрдиэхпитин наада: бу маннык улахан спортивнай-култуурунай тэрээһини ылыы ханнык баҕарар оройуоҥҥа улахан табыллыы буолар. 4 сыл буола-буола Спорт министиэристибэтин Коллегиятыгар оройуоннар кэлэн олус сытыы куонкуруһу ааһаллар. Биһиги оройуон үстэ төхтүрүйэн киирсэн, өрөспүүбүлүкэ салалтатын итэҕэлин ылан турабыт. Билигин саха норуотун иннигэр бу итэҕэйиигэ эппиэттиир кэммит кэллэ. Бүгүн Ньурба оройуонугар олорор дьон төһөлөөх элбэх үлэ-хамнас бара турарын бары көрө-истэ сылдьаллар. Бу Оонньуулар чэрчилэринэн оройуон үрдүнэн барыта 11 млрд. солк суумалаах 6 спортивнай объект, эмтиир куорпус, суол тутуута, Куоначчаан муостатын тутуута (барытын аахпаппыт). Бу тутуулар барылара Ил Дархаммыт А.С.Николаев, Саха сирин Бырабыыталыстыбатын, Минспорт улахан үлэтинэн федеральнай, өрөспүүбүлүкэ программаларын үптэрин суотугар уонна сир баайын туһаҕа таһаарар улахан тэрилтэлэр (недропользователлэр) көмөлөрүнэн бара турар. Оройуон бюджетыттан кыра үп ирээттэһэн үбүлээһин быһыытынан барар. Бу тутууларга барытыгар олохтоох уолаттарбыт үлэлэһэ сылдьаллар, бу үлүгэр тутуу матырыйаалларын таһыыга кинилэр техникалара туһанылла сылдьар. Бу тутуулар бүттэхтэринэ инникитин Ньурба ыччата сайдарыгар, үчүгэйдик олороругар туһанылларын бары билэбит. Оонньуулар кэмнэригэр Ньурба оройуонун урбаанньыттара, көннөрү да олохтоохтор дьону хоннорууга, дьону аһатыыга, тиэйиигэ-таһыыга, таҥас тигиитигэр тиийэ элбэх дохуоту ылыахтаахтар. Маны таһынан 5 күнү быһа Хорчуоппа5а, “Город мастеров” диэн дьаарбаҥкаҕа бэйэлэрин бородууксуйаларын, оҥоһуктарын атыылыахтара. Бу тэрээһиннэргэ бэлэмнэнии номнуо Ньурба оройуонун социальнай олоҕун, экономикатын атын таһымҥа таһаарда
Канал в каталоге Максиметера
290 подписчиков · Госорганы и учреждения