Бүгүн Сүлэ нэһилиэгин тэрилтэлэриттэн уопсайа 26 500 солкуобай сууммалаах үп Саха сирин...
Бүгүн Сүлэ нэһилиэгин тэрилтэлэриттэн уопсайа 26 500 солкуобай сууммалаах үп Саха сирин норуоттарын IX спортивнай оонньууларын пуондатыгар туттарылынна. Өрөспүүбүлүкэ таһымнаах улахан успуорт тэрээһинин уопсай дьыалатыгар бэйэлэрин кылааттарын киллэрдилэр: олохтоох дьаһалта кэллэктиибэ 7 500 солкуобай, «Улыбка» оҕо уһуйаана — 10 500 солкуобай, «Айыы Тайбыт» култуура киинэ — 7 500 солкуобай уонна олохтоох бибилэтиэкэ — 1 000 солкуобай. Хомуллубут уопсай үбү Сүлэ нэһилиэгин Аҕа баһылыга Дмитрий Юрьевич Иванов пуонда толорооччу дириэктэригэр Алена Семеновна Яковлеваҕа уу харчынан туттарда. Бу 104-с үтүө дьыала.💟 Пуонда салалтата Сүлэ нэһилиэгин олохтоохторугар уонна Аҕа баһылыкка Дмитрий Юрьевичка успуорт улахан тэрээһинин өйөөбүттэрин иһин истиҥ махталларын тиэрдэр. Сүлэ нэһилиэгин тэрилтэлэрин кэлэктииптэригэр ис сүрэхтэн махтал.
Канал в каталоге Максиметера
290 подписчиков · Госорганы и учреждения