🏛 «ҮТҮӨ КИҺИ ААТА ҮЙЭЛЭРГЭ ӨЛБӨӨДҮЙБЭТ»: ТААТТАҔА АНАНИЙ АНДРЕЕВ ТӨРӨӨБҮТЭ 125 СЫЛЫН Ө...
🏛 «ҮТҮӨ КИҺИ ААТА ҮЙЭЛЭРГЭ ӨЛБӨӨДҮЙБЭТ»: ТААТТАҔА АНАНИЙ АНДРЕЕВ ТӨРӨӨБҮТЭ 125 СЫЛЫН ӨРӨГӨЙДӨӨХТҮК БЭЛИЭТИИБИТ Бүгүн, балаҕан ыйын 24 күнүгэр, Таатта сиригэр Саха АССР автономиятын уонна экономикатын олохтоспут, олох-дьаһах хомунаалынай хаһаайыстыбатын бастакы народнай комиссара, сахалартан бастакы үрдүк үөрэхтээх инженер-теплоэнергетик Ананий Кононович Андреев төрөөбүтэ 125 сыллаах өрөгөйдөөх үбүлүөйүгэр аналлаах өрөспүүбүлүкэтээҕи тэрээһиннэр саҕаланнылар. 🪦Үбүлүөйдээх күн Боробул сэлиэнньэтигэр баар А. К. Андреев аатынан сквергэ бастакы Нарком пааматынньыгар тыыннаах сибэккилэри ууруу сиэринэн саҕаланна. Тэрээһин бочуоттаах кыттыылаахтара Таатта улууһун баһылыга Айаал Бурцев, «Саха Өрөспүүбүлүкэтин олорор дьиэ-уот, хомунаалынай хаһаайыстыбатын» ГУП генеральнай дириэктэрэ Виталий Чикачев, улуус уонна нэһилиэктэр дьаһалталарын салайааччылара, хомунаалынай салаа үлэһиттэрэ, бэтэрээннэр уонна ыраахтан-чугастан кэлбит убаастабыллаах ыалдьыттар. 🎭 Пааматынньык аттыгар А. Е. Кулаковскай аатынан Дьохсоҕон орто оскуолатын үөрэнээччилэрэ А. К. Андреев олоҕор уонна сүдү кылаатыгар анаммыт хоһооннору сэргэхтик ааҕан, истиҥ эҕэрдэ тылларынан дьоһун тэрээһин өрөгөйүн өссө күүһүртүлэр. 📲МАХ|