🏃♂️🇷🇺 ТААТТАҔА «КРОСС НАЦИИ – 2026» ҮРДҮК ТАҺЫМНААХТЫК ААСТА
🏃♂️🇷🇺 ТААТТАҔА «КРОСС НАЦИИ – 2026» ҮРДҮК ТАҺЫМНААХТЫК ААСТА Бүгүн, балаҕан ыйын 23 күнүгэр, Ытык Күөл сэлиэнньэтигэр Бүтүн Арассыыйатааҕы сүүрүү күнүгэр аналлаах, үгэскэ кубулуйбут «Кросс Нации – 2026» күрэхтэһии өрө көтөҕүллүүлээхтик буолан ааста. Эрчимнээх спортивнай тэрээһиҥҥэ улууспут оскуолаларын үөрэнээччилэрэ, үлэһит кэлэктииптэр, спорт бэтэрээннэрэ уонна улуус олохтоохторо олус көхтөөхтүк кытыннылар. Кинилэри кытта тэҥҥэ Таатта улууһун баһылыга Айаал Бурцев бэйэтин холобурунан сүүрүүгэ тахсан кыттыыны ылла! 💪 Тэрээһин сүрүн сыалынан — үлэлиир уонна үөрэнэр ыччаты физическэй культураҕа, спорка уһуйуу, улууска чөл олоҕу пропагандалааһын уонна үөрэх кыһаларыгар чэпчэки атлетиканы сайыннарыы буолар. Ытык Күөл стадионугар сүүрээччилэр араас саастаах бөлөхтөргө арахсан — 1-кы кылаас оҕолоруттан саҕалаан 18 саастарыттан үөһэ саастаах эр дьоҥҥо, дьахталларга тиийэ — 300 уонна 1000 миэтэрэ усталаах дистанцияларга бэйэ-бэйэлэрин кытта күөн көрсөн көрүстүлэр. «Кросс Нации» түмүгүнэн кыттыыны ылбыт хас биирдии киһи чэбдик туруктанна, доруобуйаҕа туһалаах эрчими уонна күрэхтэһии өрө көтөҕүллүүлээх тыынын ылан, инники спорт саҥа ситиһиилэригэр күүс-уох эбиннэ! 📲МАХ|