Күндү биир дойдулаахтарым!
Күндү биир дойдулаахтарым! Убаастабыллаах аҕам саастаах көлүөнэбит, эрчимнээх эдэр ыччаппыт! 🇷🇺🇷🇺🇷🇺🇷🇺🇷🇺 Балаҕан ыйын 18-19-20 күннэригэр буолан ааспыт бэлиэ, эппиэтинэстээх быыбардарга көхтөөх гражданскай позицияҕытын көрдөрөн, төрөөбүт Тааттабыт уонна бүтүн Сахабыт сирин сарсыҥҥы кэскилин туһугар куоласкытын биэрбиккитигэр ис сүрэхпиттэн улахан махталы тиэрдэбин! Эһиги көрдөрбүт сомоҕолоһуугут, улууспут туһугар биир санааҕа кэлэн куоластаабыккыт — биһиэхэ сүдү күүһү, эрэли уонна улахан эппиэтинэһи сүктэрэр. Ытык Тааттабыт олохтоохторо «Биир ньыгыл Арассыыйа» баартыйаҕа уонна кини хандьыдааттарыгар бигэ эрэллэрин биллэрбиттэрэ — бу биһиги Ил Дархаммыт Айсен Сергеевич Николаев ыытар бэлиитикэтин, судаарыстыбабыт уонна улууспут бүгүҥҥү кэскиллээх сайдыытын өйөөһүн чаҕылхай туоһута буолар! «Биир ньыгыл Арассыыйа» — бу норуот баартыйата, дьыала баартыйата. Дьон туруорбут көрдөһүүлэрин, нэһилиэктэрбит сайдыыларын, суол тутуутун, социальнай эбийиэктэри үлэҕэ киллэриини уонна Анал байыаннай дьайыы кыттыылаахтарыгар, кинилэр дьиэ кэргэттэригэр көмөнү улуус салалтата уонна баартыйа тиһигин быспакка куруук тутан үлэлиэхпит. 🇷🇺🇷🇺🇷🇺🇷🇺🇷🇺 Күндү биир дойдулаахтарым! Эһиги эрэлгитин толорор туһугар бары бииргэ, түмсүүлээхтик, сылайары билбэккэ үлэлиэхпит! Биһиги күүспүт — биир сомоҕо буолуубутугар! Эһиэхэ уонна эһиги дьиэ кэргэттэргитигэр кытаанах чэгиэн туругу, эйэни, дьолу-соргуну уонна төрөөбүт Тааттабыт чэчирии сайдарыгар саҥа үрдүктэри баҕарабын! «Биир ньыгыл Арассыыйа» Бүтүн Россиятааҕы политическай партия Тааттатааҕы салаатын сэкирэтээрэ, Таатта улууһун баһылыга Айаал Семенович Бурцев