«САХА СИРИН КЫҺЫЛ КӨМҮС ЫАЛЛАРА» КИНИГЭ БИҺИРЭМЭ ҮРДҮК ТАҺЫМНААХТЫК БУОЛАН ААСТА
«САХА СИРИН КЫҺЫЛ КӨМҮС ЫАЛЛАРА» КИНИГЭ БИҺИРЭМЭ ҮРДҮК ТАҺЫМНААХТЫК БУОЛАН ААСТА Саха Өрөспүүбүлүкэтигэр бэлиэтэнэр сырдык, иһирэх бырааһынньык — Ийэ күнүн чэрчитинэн Тааттатааҕы норуот айымньытын дьиэтигэр дьиэ кэргэн сылаас сыһыанын, үйэлээх тапталы уонна бастыҥ үгэстэри хомуйан таһаарбыт «Саха сирин кыһыл көмүс ыаллара» («Золотые семьи Якутии») кинигэ үөрүүлээх биһирэмэ буолан ааста. ✨ Бу кинигэ-альбому Саха Өрөспүүбүлүкэтин Бырабыыталыстыбатын иһинэн үлэлиир ЗАГС управлениета 2008 сылтан таһааран кэллэ. 2025 сыллаахха бэчээттэнэн тахсыбыт саҥа кинигэ 224 страницалаах, 233 тираһынан «Дани Алмас» бэчээт дьиэтигэр күн сирин көрдө. Өрөспүүбүлүкэ үрдүнэн 34 улуустан уонна Дьокуускай куораттан 200-тэн тахса бастыҥ, өр сылларга бииргэ олорбут ыаллар киирбиттэрэ. Ол иһиттэн Таатта улууһуттан толору 28 «Кыһыл көмүс» сыбаайбаларын (50 сыл бииргэ олорбут) бэлиэтээбит үтүө-мааны ыалларбыт киирэн, улууспут аатын үрдүктүк ааттаттылар! Дьоһуннаах тэрээһини Тааттатааҕы киин библиотека библиотекара Светлана Игнатьева уонна ЗАГС салаатын испэсиэлииһэ Нария Пестрякова иилээн-саҕалаан, олус иһирэхтик уонна өрө көтөҕүллүүлээхтик ыыттылар. Улууспут араас нэһилиэктэриттэн мустубут ытык-мааны ыаллар бэйэ-бэйэлэрин үөрэ-көтө көрсөн, ис сүрэхтэн тахсар эҕэрдэ тылларын анаатылар, олох уопутуттан үллэһиннилэр. Төрөөбүт Тааттабыт ыалларын өрөспүүбүлүкэҕэ ааттаппыт, дьиэ кэргэн сырдык үгэстэрин үйэтиппит бу кинигэ кэлэр көлүөнэ ыччакка өрүү үтүө холобур, бигэ тирэх буола турдун. 📲MAX|