«ИЙЭҔЭ МАХТАЛ»: ТААТТАҔА «ВМЕСТЕ В РИТМЕ» II ИЛИН ЭҤЭРДЭЭҔИ ҮҤКҮҮ КҮРЭҺЭ ӨРӨ КӨТӨҔҮЛЛҮҮ...
«ИЙЭҔЭ МАХТАЛ»: ТААТТАҔА «ВМЕСТЕ В РИТМЕ» II ИЛИН ЭҤЭРДЭЭҔИ ҮҤКҮҮ КҮРЭҺЭ ӨРӨ КӨТӨҔҮЛЛҮҮЛЭЭХТИК ААСТА 💃Саха Өрөспүүбүлүкэтигэр бэлиэтэнэр сырдык, иһирэх бырааһынньык — Ийэ күнүн чэрчитинэн Таатта сиригэр күндү ийэлэрбитигэр анаммыт «Ийэҕэ махтал» II Илин эҥэрдээҕи «Вместе в ритме» үҥкүү күрэһэ үрдүк таһымнаахтык буолан ааста. ✨ Бу айар бырайыагы Туора Күөл орто оскуолатын үҥкүүгэ учуутала, талааннаах хореограф Семен Андросов көҕүлүүр. Күрэс сүрүн сыала — ийэ сырдык аатын, үтүө оруолун үҥкүү ускуустубатын нөҥүө үрдүктүк тутуу, ыччаты төрүт сыаннастарга иитии уонна илин эҥэр улуустарын айар кэлэктииптэрин ыккардыларыгар ситими бөҕөргөтүү буолар. Үҥкүү түһүлгэтигэр илин эҥэр улуустарыттан мустубут араас көлүөнэ үҥкүүһүттэрэ — оҕолор, эдэр ыччат уонна далбар хотуттар — сценаҕа кэрэ хамсаныылары, саҥа туруоруулары уонна ийэҕэ анаммыт истиҥ иэйиилээх нүөмэрдэри көрдөрдүлэр. Хас биирдии толоруу көрөөччү кутун тутан, дохсун ытыс тыаһынан арыалланна. Күрэскэ ураты маастарыстыбаларын, чаҕылхай талааннарын көрдөрөн, Бурнашевтар дьиэ кэргэттэрэ муҥутуур кыайыылааҕынан (Гран-при хаһаайыттарынан) таҕыстылар. Улуустааҕы Дьахталлар сэбиэттэрэ (Женсовет) үтүө үгэһи салҕаан, иккис сыл устата кыайыылаахтарга дьиэ хаһаайыстыбатыгар олус наадалаах, күндү бэлэҕи — тигии массыынатын (швейная машина) үөрүүлээх быһыыга-майгыга туттарда. Маннык киэҥ хабааннаах, дууһаны долгутар кэрэ тэрээһини улууска көҕүлээн ыыппыт Семен Андросовка, күрэҕи өйөөбүт Дьахталлар сэбиэттэригэр, кэлбит ыалдьыттарга уонна бары кыттааччыларга ис сүрэхпититтэн дириҥ махталы биллэрэбит. Муҥутуур кыайыылаах Бурнашевтары уонна бары лауреаттары ис сүрэхтэн эҕэрдэлиибит! Ийэлэрбит өрүү күлүмнүү мичээрдии турдуннар, үҥкүү абылаҥа кэрэҕэ сирдии сырыттын. 📲МАХ|