🥇💻 ТААТТА ОҔОЛОРО — «ИДЕЯ ФИКС» РЕГИОННААҔЫ ХАКАТОҤҤА БАСТЫҤНАР БУОЛЛУЛАР
🥇💻 ТААТТА ОҔОЛОРО — «ИДЕЯ ФИКС» РЕГИОННААҔЫ ХАКАТОҤҤА БАСТЫҤНАР БУОЛЛУЛАР Саха сиригэр оскуола үөрэнээччилэригэр уонна устудьуоннарга аналлаах «Идея Фикс» Бүтүн Арассыыйатааҕы хакатон эрэгийиэннээҕи түһүмэҕэ түмүктэннэ. Өрөспүүбүлүкэ араас муннуктарыттан барыта 15 бастыҥ хамаанда «Сферум» үөрэх былаһааккатыгар саҥа көҕүлээһиннэрин, сыыппара бырайыактарын көмүскээн күөн көрүстэ. Тыҥааһыннаах киирсии түмүгүнэн биһиги улууспут оҕолоро Дьокуускай куорат IT-кииннэрин хамаандаларын кыайан, Таатта улууһа, А. И. Софронов-Алампа аатынан Ытык Күөл 1-кы №-дээх орто оскуолатын «Prime» хамаандата ситиһиилэннэ. «Prime» хамаанда кыттыылаахтарын, кинилэри үөрэтэн-уһуйбут салайааччыларын, учууталларын уонна төрөппүттэрин бу үрдүк таһымнаах чаҕылхай кыайыынан ис сүрэхпититтэн эҕэрдэлиибит! Таатта ыччата аныгы сыыппара технологияларын баһылаан, өрөспүүбүлүкэҕэ эрэ буолбакка, дойду таһымыгар кыайар кыахтааҕын өссө төгүл дакаастаата. Оҕолорбутугар хакатон түмүктүүр бүтүн Арассыыйатааҕы түһүмэҕэр ситиһиилээх кыттыыны, саҥа айар арыйыылары баҕарабыт! 📲МАХ|